LIGJET E BIZNESIT
Ambasadorja e SHBA në vendin tonë Yuri Kim ka reaguar pas sekuestrimit të pasurisë së një grupi kriminal në Lezhë me vlerë 60 milionë euro.
Ajo e quan këtë aksion që u shoqërua me dënimin e 11 personave si shembull të drejtësisë së re, duke thënë se shpreson që SPAK të vazhdojë të prodhojë rezultate.
“Një tjetër goditje e madhe ndaj krimit të organizuar dhe korrupsionit. SPAK-u dënoi 11 kriminelë, duke përfshirë zyrtarë publik, për vjedhje të pronave publike me vlerë 60 milionë euro. Kjo erdhi si pjesë e Dosjes 399. Ky është po ashtu një shembull i bashkëpunimit të fortë midis zbatuesve të ligjit SHBA&Shqipëri. Shpresojmë që SPAK do të vazhdojë të prodhojë rezultate. Është e rëndësishme t’i jepet fund mosndëshkimit për korrupsion dhe krim të organizuar!” deklaroi Kim.
GJKKO ka deklaruar fajtorë të gjithë të pandehurit e dosjes 339 të akuzuar nga Prokuroria e Posaçme për tjetërsim pronash në Shëngjin të Lezhës. Sipas burimeve zyrtare gjykata ka vendosur dhe për sekuestrimin e dhjetëra pasurive që janë përvetësuar në mënyrë të paligjshme me vlerë 60 milionë euro.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
