“Shkollat të mbyllen dhe oraret e lokaleve të reduktohen” Propozimi i Piperos dhe lutja për qytetarët

Në një deklaratë të fundit mjeku infeksionist Pëllumb Pipero ka rekomanduar që të shtrëngohen masat gjatë periudhës së pandemisë në Shqipëri.

Ai ka shtuar gjithashtu se mirë do të ishte që deri në fund të marsit, të mbylleshin shkollat e mesme dhe ato  9-vjeçare, ndërsa për baret dhe restorante të shkurtohej orari.

Gjithashtu Pipero u shpreh se mirë do të ishte të përdorej shërbimi delivery, ndërsa në transportin publik, duhet limituar numri i udhëtarëve.

“Deri nga fundit i marsit masat duhet të ishin më të shtrënguara, orari i kafeneve më i shkurtuar, të mos shërbehet në tavolina, por “delivery”. Shkollat e arsimit 9-vjeçar dhe të mesëm të ishin mbyllur deri në fund të marsit. Edhe pse nuk është zgjidhje e problemit, është zgjedhje e detyruar për nga ritmet e pandemisë pasi nuk janë kështu vetëm në vendin tone.

Kemi raste të shtuara të sëmundjes dhe forma të rënda dhe humbje të jetës dhe tek moshat e reja. I këshilloj të jenë të kujdesshëm që do të thotë të mbajnë maskë, distancë dhe higjienë. Edhe një lutje kam për ta, të frekuentojnë sa më pak, kafenetë dhe mjediset e mbyllura,”- tha Pipero.