“Sa paguan Meta dhe Berisha?” Kreshnik Spahiu reagon pas deklaratave të bujshme të Fatos Nanos

Intervista e mbrëmshme e ish-kryeministrit Fatos Nano ka shkaktuar një reagim të gjerë në opinionin publik si dhe në politikën e vendit.

Pas 10 vitesh mungesë, Nano u rikthye në ekran duke bërë deklarata të forta për Sali Berishën dhe Ilir Metën.

“Berisha më ka marrë vitet më të bukura të jetës dhe më ka vrarë nënën”, ishin këto fjalët e Nanos për liderin historik të PD. Ndërsa për Metën, Nano tha se është  politikani i vetëm që mbart 7 mëkatet. Lidhur me këtë zhurmë mediatike të shkaktuar nga ky rrëfim i Nanos, ka reaguar edhe ish-kreu i Aleancës Kuq e zi Kreshnik Spahiu.

“O Zot: Sa para paguan Meta dhe Berisha në media? Sot 90% e gazetave shkruanin sikur Fatos Nano nuk i kishte përmenduar aspak këta të dy”, shkruan Spahiu.