Këngëtarja Rita Ora “ndez” New Yorkun me veshje tradicionale shqiptare

Rita Ora u komplimentua për mini-albumin “Bang”, për të cilin ka bashkëpunuar me shumë emra të njohur, midis të cilëve dhe David Guetta.

Ajo çfarë e bën më të veçantë klipin është paraqitja e këngëtares me elemente tradicionale shqiptare.

Në intervistat e fundit, Rita është shprehur se dëshira e saj kishte qenë të përfshinte trashëgiminë kulturore në klipe. “Fillimisht kur më erdhi ideja për të realizuar këtë mini-album, doja të bëja një paraqitje vizuale të mahnitshme, për të prezantuar prejardhjen time, gjë që e kam bërë gjithmonë me artin tim.”, u shpreh Rita.

Motra e  Rita Ora,  Elena,  ka publikuar një fotografi duke u treguar të gjithë ndjekësve se ekranet gjigante të Times Squares, kanë shfaqur sekuenca të këngëtares me veshje kombëtare.