“Rama ka një fallxhore në Greqi” Ish-deputeti bën deklaratën e fortë: Ja për çfarë e thërret

Ish-deputeti i Partisë Demokratike Flamur Noka ka ironizuar kryeministrin Edi Rama me një nga batutat që ai ka bërë për Monika Kryemadhin, në lidhje me fallin apo filxhanin.

Ai ka akuzuar qeverinë si fajtore për shkatërrimin e Shqipërisë dhe varfërimin e saj.

I ftuar në “Ora News”, sipas tij opozita po jep sinjalin që Shqipëria mund të kthehet në një vend të jetueshëm duke larguar qeverinë.

Noka: Kryeministri Rama ka një problem, ka një fallxhore në Greqi që e thërret për të parë fall. Por kjo punë nuk ka fall. Realiteti me fallin e fallxhoreve nuk janë asgjëkundi dhe nuk përputhen. Edi Ramën apo bandën e rilindjes po ta pyesësh në 3D kanë zhvilluar Shqipërinë. Sipas tyre kanë bërë atë që s’e ka bërë kush në 30 vjet, por në realitet e kanë varfëruar, e kanë shkatërruar, e kanë futur krimin thellë në palcë se ky vend është i pajetueshëm. Një nga sinjalet që po jep Lulzim Basha dhe opozita është se Shqipëria do të kthehet në një vend normal, i jetueshëm, ku shqiptarët të mos shohin më të ikin nga sytë këmbët, por më parë të përzënë ata që e bënë të pabanueshëm këtë vend.