Premtimi i madh/ Basha zbulon dy vendimet urgjente që do marrë nëse do zgjidhet kryeministër

Kryetari i Partisë Demokratike Lulzim Basha ka bërë së fundmi një premtim të fortë.

Me shpresën se do të zgjidhet kryeministër pas zgjedhjeve të 25 prillit, ai ka deklaruar se sapo të marrë detyrën, do të jetësojë angazhimet e premtuara dhe do të zhbëjë vendimet e qeverisë Rama, që ai i cilëson si “korruptive”.

Basha: Vota për PD nuk është votë kundër Ramës, por votë për zgjidhjen e problemeve të tyre.

Pyetje: Si do e realizoni programin tuaj që në pamje të parë duket ambicioz?

Basha: Ky program, nuk është rezultat i një pune të shkurtër, jemi konslutuar me ekspertë të të gjitha fushave. Këto janë zgjidhje reale, jo premtime boshe. Po të vjedhësh qumështin normal që nuk do bësh dot djath.

Pyetje: Sa është fatuara e programit?

Basha: Është në 400-500 mln euro në viti. KLSH flet për 1.2 mld euro të shpërdoruara në vit. Gjithçka është e mundur dhe e përllogaritur. Do të mundësojmë një Shqipëri me klimë biznesi, me 110.000 vende pune.

Pyetje: Cila është pika më e fortë?

Basha: Fakti që nuk është program elektoral, por plan pune. Vetëm për planin ekonomik janë bërë 120 konsultime.

Pyetje: Për çfarë do të hidhni firmën e parë?

Basha: Do të kletë veprime konkrete në dy fusha. Së pasri hedhjen e firmës për të jetësuar angazhimet tona dhe së dyti zhbërjen e ligjeve dhe akteve të cila në këto 8 vite të qeverisjes së Ramës i kanë vënë lakun në fyt 90% të shqiptarëve.