PD prezanton programin për ish-të përndjekurit/ Basha: Ja sa euro shtesë do japim mbi pensionet që mandatin e parë

Lideri i opozitës Lulzim Basha ka prezantuar programin e Partisë Demokratike për ish-të përndjekurit politikë.

Ai është shprehur se brenda mandatit të parë do të përfundojnë dhe pagesat për familjet e persekutuara.

Basha shtoi se më 25 prill shqiptarët do të vendosin midis autokracisë dhe demokracisë.

“Ne do të subvencionojmë shërbimet shëndetësore dhe rrisim pensionet e të përndjekurve nga komunizmi, si dhe po shqyrtojmë mundësinë që të burgosurve politikë t’ju jepen 100 Euro shtesë mbi pensionet e tyre”, u shpreh kryedemokrati.

Po ashtu kreu i opozitës tha se “angazhohemi që në ditët e para në qeveri, të krijojmë instrumentin dhe fondin për gjetjen e trupave të njerëzve të pushkatuar që regjimi ogurzi komunist i la pa varre dhe ta financojmë atë deri në përfundimin me sukses të plotë procesin dhe përmbylljen e tij brenda një kohe sa më të shkurtër”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern