Pamje e pazakontë/ Pas përmbytjeve, shikoni me çfarë janë mbushur oborret e banesave në Shkodër

Pas përmbytjeve që ndodhën në Shkodër si pasojë e motit të keq, pamje të pazakonta janë ato që vinë së fundmi nga ky qytet.

Ndërkohë dhjetra peshq kanë mbushur oborret e banesave përreth.

Pamjet vinë nga zona e Zukth Kashtës, lagjia brenda qytetit të Shkodrës ku një sasi jo e vogël peshku gjendet në oborret e thuajse të gjithë banorëve.

Madje peshku ka hyrë dhe brenda në banesa, kur niveli i ujit ishte më i lartë.

Dukate Boka është 70 vjeçarja e cila tregon se përveç peshkut që ka hyrë në oborr, ajo jeton mes vështirësive e vetme pasi fëmijët e saj janë jashtë Shqipërisë dhe e kanë patur të pamundur të vijnë për shkak të pandemisë C OVID-19.

Gruaja kërkon që shteti t’i dëmshpërblejë pasi uji të tërhiqet plotësisht.

Për shkak të përmirësimit të kushteve atmosferike ditët e fundit ka pasur një ulje të nivelit të ujit por banorët vazhdojnë të jenë të shqetësuar deri në momentin që uji do të tërhiqet plotësisht nga oborret apo shtëpitë e tyre ndërsa do t’u duhet që të pastrojnë banesat dhe oborret nga peshku.