“Pacienti ra, unë e kapa për ta ngritur, i afërmi më goditi”/ U dhunua nga 24-vjeçari, flet mjeku i revoltuar

Reagon mjeku i urgjencës së QSUT, Petrit Gjorgji, i cili një ditë më parë u dhunua nga një 24-vjeçar.

Ai ka treguar, se si ndodhi ngjarja. Mjeku ka thënë për “abcneës” se kishte një pacient i cili vuante nga veshkat por që në një moment ka rënë nga krevati.

Shpjegimi i tij vijon duke thënë se e ka kapur nga këmba për të ngritur dhe në atë moment i afërmi i irrituar e ka goditur atë.

“Kishim një pacient për veshkat. Në një moment ka rënë nga krevati dhe me ndihmën e kolegëve të tjerë kemi shkuar për ta ndihmuar. Për ta ngritur, unë e kapa jo të gjithë trupin, por nga këmbë, për shkak të pozicionit dhe e vendosëm sërish në krevat. Një i afërm, që nuk po i shërbente e pa dhe ka ardhur më ka goditur nga pas. Ndërhynë mjekët dhe infermierët. Denoncova dhe erdhi policia që e ka marrë”, thotë mjeku.

Midis të tjerash, mjeku ka treguar edhe në vitin 2004, një tjetër person e kishte goditur.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern