LIGJET E BIZNESIT
Temperatura polare dhe ngricë ka sjellë fenomeni “Medea” në Greqi gradualisht nga fundjava në veri të vendit. Sot paradite “Medea” në Atikë, duke mbuluar me borë edhe Athinën. Deri në mbrëmje fenomeni pritet të ketë pushtuar gjithë vendin, me reshje të shumta dëbore dhe temperatura nën 0 edhe në ishullin e Kretës.
Termometri tregon -20 në Kozani, -17 në Florina e zonat e veriut të Greqisë. Sot shkollat e periferisë së Selanikut dhe gjithë veriut të Greqi, Athinës dhe Greqisë Qendrore si dhe në zona të tjera të vendit, akoma dhe sa funksiononin periudhën e lockdoën, për herë të parë u mbyllën nga moti i rrezikshëm.
Me urdhër të ministrit të Mbrojtjes së Qytetarit, Mihalis Chrysochoidis nuk lejohet qarkullimi në të gjitha akset e autostradës së Greqisë. Ministri ka deklaruar se është duke e ndjekur ecurinë e fenomenit “Medea”, do të ketë lëshime nëse nuk ka probleme dhe se vendimi është marrë për të mos rrezikuar asnjë jetë. Ministri lejoi për mesditën e të hënës qarkullimin e automjeteve me tonazh mbi 3.5 tonë në aksin Athinë-Korinth.
Të shumta janë rrugët qendrore të mbyllura si në veriun e Greqisë, në zonën qendrore të vendit dhe nga mëngjesi i sotëm në periferinë e Atikës. Probleme janë shfaqur dhe në rrjetin elektrik, me shkëputje të linjës së korrentit në pak zona veriore të vendit, nga dëmet e shkaktuara në stacionet e furnizimit.
Ministria e Mbrojtjes së Qytetarëve bën thirrje të kufizohen lëvizjet ndërsa në gatishmëri është mekanizmi shtetëror për të përballuar problemet e mëdha të shkaktuara nga dëbora, që në disa zona, si Pela, Imathia, Ksanthi,Trikala, ka kaluar mbi 1 m.
Dëbora ka mbuluar gjithë zonën përreth Athinës, termometri tregon 0 gradë, fenomen i rrallë për kryeqytetin grek, ndërsa bardhësisë deri tani i ka rezistuar vetëm qendra përreth Akropolit.
Paralelisht, në Greqi vihet re një rritje e ndjeshme e të infektuarve nga covid-19 por edhe mutacionet, vetëm ditën e djeshme 14 shkurt rezultuan pozitivë në mutacionin britanik dhe atë të Afrikës Jugore 94 pacientë, ndërsa 23 pacientë humbën jetën nga virusi.
Lockdoën total është në fuqi në periferitë e Atikës, Achaia (përfshi ishullin Zakinthos), Evia, Rethimno, Selanik dhe Chalkidiki, ndërsa vijojnë me rritmet më të larta të mundshme edhe vaksinimiet e qytetarëve.
Dy qendrat MEGA të vaksinimit funksionojnë nga sot në Athinë e Selanik. Të vendosura në ambientet me përmasa stadiumi të Helexpo, të dy qendrat pritet deri në mars të kenë mbuluar përqindjen më të lartë të kërkesave, gjithmonë në varësi të furnizimit me vaksina, siç theksojnë dhe përfaqësues të qeverisë greke. Për momentin, vijon procesi me vaksinat e kompanisë Pfizer.
Stacionet MEGA të vaksinimit kanë kapacitet tepër të lartë, 96 qendra në Athinë, 108 qendra në Selanik, të cilat mund të arrijnë mbi 150.000 vaksinime mujore çdo qendër, që pritet të arrihet gradualisht në muajin Mars. Qeveria greke deklaroi se për momentin, në Athinë funksionojnë 48 qendra vaksinimi të stacionit, ndërsa në Selanik 24 qendra vaksinimi për moshat 75 vjeç e lartë.
Njëkohësisht, në Greqi fillon nga dita e sotme për moshat 60-64 vjeç përdorimi i vaksinës së kompanisë së shumëpërfolur, Astra Zeneca.
