LIGJET E BIZNESIT
Presidenti i vendit Ilir Meta ka reaguar lidhur me të dhënat e fundit sa i takon vdekjeve nga Covid në Shqipëri, ku thotë se vendi ynë zë vendin e parë në Europë.
Meta shprehet se në kushtet kur numri i të prekurve rritet çdo ditë qeveria duhet të lërë menjëherë propagandën dhe të hartojë menjëherë një plan për përballimin e pandemisë. Sipas Metës gjithçka duhet të nisë me ndalimin e pagesave buxhetore për PPP-të, pasi asgjë nuk vlen më shumë se shëndeti dhe jeta e qytetarëve shqiptarë.
Postimi i Metës:
Në raport me popullsinë, Shqipëria ka zënë vendin e parë në Europë për numrin e jetëve të humbura nga COVID-19, me një rritje të përllogaritur në +111% për muajt nëntor-dhjetor.
Ky fakt tepër tronditës dëshmon qartë se plani i masave për përballimin e pandemisë, ka dështuar në prioritetin kryesor: mbrojtjen e sa më shumë jetëve njerëzore.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në kushtet kur numri i të prekurve po rritet çdo ditë me ritme tepër të larta shqetësuese, përsëris thirrjen drejtuar Qeverisë për të ndalur urgjentisht propagandën boshe dhe për të hartuar një plan konkret afagjatë, për menaxhimin efikas të situatës, që po del nga kontrolli, duke filluar nga përmirësimi i prekshëm i kushteve në spitale, tek publikimi i një strategjie për vaksinimin e popullatës, që nuk mund të lihet në mëshirë të fatit.
COVID-19 nuk po ndalet!
Ndaloni menjëherë pagesat buxhetore për PPP-të!
Asgjë nuk ka më shumë vlerë se shëndeti dhe jeta e shqiptarëve!
Koha për të menduar dhe vepruar për shqiptarët, jo për oligarkët.
TABELA 1: Numri i jetëve të humbura gjatë vitit 2020, krahasuar me vitin 2019, ku rezulton se për muajt nëntor-dhjetor 2020 rritja ka qenë me +111%
TABELA 2: Të dhënat e publikuara nga EUROSTAT, sipas të cilave asnjë shtet i BE nuk rezulton për vitin 2020 të ketë patur një rritje të numrit të jetëve të humbura me mbi 100%
