“Mos bini pre e këtij mashtrimi” Ambasada e SHBA del me njoftimin e rëndësishëm për shqiptarët

Një njoftim i rëndësishëm ka dalë së fundmi nga Ambasada Amerikane në Tiranë.

Institucioni diplomatik ka paralajmëruar qytetarët duke u bërë thirrje që të mos bien pre e mashtrimeve për viza, në këmbim të parave.

Sipas njoftimit, këto mashtrime bëhen përmes faqeve të rreme të internetit.

“Ne kontaktohemi vazhdimisht nga individë që kanë rënë viktima të mashtrimit të vizave. Mashtrimet zakonisht përfshijnë faqe interneti të rreme, adresa emaili dhe kërkesa për tarifa shtesë që duhet paguar për të marrë një vizë.

Mos harroni, Departamenti i Shtetit nuk do t’ju kërkojë kurrë të transferoni para tek një individ apo organizatë tjetër për të marrë vizën tuaj. Informoni veten në mënyrë që të mos bëheni viktimë e një mashtrimi”, njofton Ambasada e SHBA në Tiranë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern