LIGJET E BIZNESIT
Kryetarja e Lëvizjes Socialiste për Integrim Monika Kryemadhi është pyetur nëse ka biseduar ndonjëherë me Bashën për ndarjen e posteve dhe ministrive pas datës 25 prill, dhe a do të ishte ajo një ministre e Brendshme e mundshme.
Kryemadhi nuk e mohoi një post të tillë, madje tha se do të ishte ide e mirë pasi do të sistemonte vendin siç bën edhe me shtëpinë e saj.
Në fund tha se ende nuk ka biseduar me kryedemokratin në lidhje me këtë temë, pasi po presin përfundimin e zgjedhjeve të 25 prillit.
Metaj: Më herët ju keni thënë se nuk kërkoni poste, por më pas qarkulluan disa mesazhe që Meta mund të jetë ministër i Brendshëm i Shqipërisë. Ndërkohë ai e mohoi këtë gjë dhe tha se do jetë president deri në vitin 2022. Mos ndoshta do të jeni ju ministre e Brendshme në qeverinë e ardhshme? Duke qenë se jeni shprehur që do fitoni patjetër dhe ndoshta i keni ndarë postet me Bashën?
Kryemadhi: Nuk do ishte keq se do sistemohej ashtu siç një grua sistemon shtëpinë e saj do sistemonte dhe këto çorapet e mëdha siç i ka Rama çorapet e kuqe që i bën lëmsh. Nuk kemi folur për postet dhe ministritë. Sot është e rëndësishme përpjekja dhe hyrja në finishin e fundit të kësaj fushate sfilitëse për ne dhe shqiptarët. Angazhimi ynë është të cocojmë shqiptarët të votojnë, nga jashtë shtetit, përsa i përket ndarjes së posteve. Mos mendoni se qytetarët e kanë problem këtë gjë se çfarë posti merr Kryemadhi.
Peka: E përjashtoni marrjen e një posti ekzekutiv?
Kryemadhi: Kush e tha se kam thënë ma gjeni mua këtë? Ka kohë, varet nga numrat.
