LIGJET E BIZNESIT
Nutricionistët shpeshherë kanë deklaruar se mëngjesi është një nga vaktet më të rëndësishme të ditës, i cili nuk duhet anashkaluar asnjëherë.
Por kjo gjë nuk zbatohet shumicën e rasteve, pasi njerëzit nuk kanë shumë kohë dhe duhet të përgatiten me shpejtësi për të ikur në punë sapo zgjohen nga gjumi.
Ndërkohë së fundmi mjekja e njohur psikiatre Arjana Rreli, kë treguar në programin e mëngjesit “Wake Up” disa prej problemeve që kanë njerëzit në mëngjes, duke nisur nga alarmi e deri tek ushqimi.
Ajo u shpreh se mëngjesi anglez rekomandohet më së shumti për të marrë proteinat e duhura që i nevojiten trupit, ndërsa karbohidratet mjaftohen tek qumështi me mjaltë dhe sheqeri në kafenë e mëngjesit.
“Mëngjesi anglez është një nga ato që rekomandohet sepse është me shumë proteina, ndërkohë që karbohidratet ndikojnë tek pjesa hormonale. Janë fond energjie për ne, por është mrekulli të arrish raporte të shkëlqyera. Normalisht duhet që të mos mungojnë proteinat në mëngjes. Ne na mjafton qumështi me mjaltë apo sheqeri që marrim tek kafeja e mëngjesit që na duhet për të vazhduar në normalitetin dhe intensitetin”, tha Rreli.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Sa i përket mirëqenies mendore, Rreli u shpreh se dita nuk duhet të fillojë me stres, por me qetësi pasi e kundërta mund të sjellë ulje të performancës gjatë ditës.
“Gjërat e rëndësishme do t’i bëjmë se s’bën. Fillon që nga zilja. Nëse nuk i japim kohë vetes për të bërë ritualet tona dhe për të menduar për prioritetet, imagjinoni sa në stres e fusim mendjen tonë që në mëngjes për disa gjëra që janë mëse të zakonshme. Nëse fillojmë me këtë stres, adrenalina nuk do të na ledhatojë gjatë ditës por niveli i stresit të ulë performancën tonë”, tha Rreli.
