“Më kishte mbaruar letra higjenike” Doli pas orës 20:00, gjobitet në Tiranë djali i ish-kryeministrit

Një ngjarje e pazakontë ka ndodhur dje në Tiranë.

Djali i ish-kryeministrit Aleksandër Meksi, Redoni, është gjobitur nga policia për shkak se ka dalë nga shtëpia pas orës 20:00, duke thyer kështu orarin e izolimit.

Lajmin e ka bërë të ditur vetë i riu me anë të një reagimi në rrjetet sociale.

Ai ka ironizuar duke thënë se i kishte mbaruar letra higjenike dhe kishte dalë se mos i jepte ndonjëri, por në vend të kësaj mori letrën e gjobës.

“Kaloi ora 20.00, kur cte shoh me kishte mbaruar letra higjenike. Thash po dal njehere verdall se do me japi ndonjeri… dhe ne fakt ashtu ndodhi , me dha nje polic kete copen e letres

pertej shakase, nuk ka asnje akt te botuar ne fletore zyrtare per uljen orarit te shtetrrethimit ne 20.00, dhe pervec kasaj konstatohem ne shkelje te urdherit 616 dt 09.11.2020, i cili kufizon orarin 22.00-06.00

ps: sorry per shkrimin , pervecse ishte fleta e dyte, kisha qenin ne njeren dore , i cili i ka pak bezdi uniformat” shkruan Redon Meksi.