“Më 21 janar 2011 pushoi së qënuri politikan” Ja si i përgjigjet Sali Berisha deklaratave të Fatos Nanos

Ish-kryeministri Sali Berisha ka folur dje në mbrëmje në lidhje me deklaratat e paraardhësit të tij Fatos Nano.

Ky i fundit u shpreh pak ditë më parë në një intervistë televizive se Berisha përfundoi së qënuri politikan më 21 janar 2011.

Ndërkohë Sali Berisha  u përgjigj menjëherë ndaj këtyre akuzave, duke thënë se Nano dhe Rama kanë të njëjtin koncept për opozitën njësoj si etërit e tyre mizorë.

‘Nuk kam ndonjë koment Beti. E vetmja gjë që mund të them se, u paraqitën si pinjollë të Bllokut, me mendësinë absolute staliniste se problemi i Shqipërisë është opozita. Mu rikujtuan të gjitha qëndrimet e Partisë së Punës së Shqipërisë në muajt e parë të opozitës shqiptare kur fatkeqësia kombëtare ishte opozita.

Këta të dy, nuk po i quaj siç e meritojnë, por po i quaj pinjollë, mbajnë të njëjtin koncept si etërit e tyre mizorë. Nuk kam asnjë koment tjetër për këtë.’-tha Berisha.