LIGJET E BIZNESIT
Kryetarja e LSI Monika Kryemadhi ka folur rreth kërkesës së kryeministrit Edi Rama për të marrë mandatin e tretë në krye të qeverisë.
Sipas saj kreu i qeverisë është i lirë ta konceptojë këtë mandat të tretë si martesat e tij, por kjo gjë nuk do të ndodhë.
Kryemadhi u shpreh e bindur se në 25 prill do të vendosë populli dhe Rama do të marrë atë që meriton.
Pyetje: Rama ka thënë se me shumë dëshirë do kishte qendruar me familjarët e tij në shtëpi, por ka shumë punë për të bërë dhe vetëm një njeri me ambicie si ai mund ta bëjë, çfarë mendoni për këtë?
Kryemadhi: Unë do thoja që është thjesht një zvarritje dhe tërheqje vëmendjeje nga problematikat që ka sot Shqipëria. Nëse gjërat janë më mirë se 4 vite më parë shqiptarët do ta pranonin, por jam e bindur që shqiptarët jo vetëm që bëjnë shaka, por shikoni memet në rrjet. Ai kërkon ta relativizojë veten e tij si opozitë, duke krijuar idenë që të ketë diferencë sa më të vogël deputetësh. Nga ana tjetër dua të theksoj që mandati i tretë i Ramës, ai vërtet mund ta shikojë si martesat e tij, por nuk mund të ndodhi dot sepse është i destinuar me një fat të lexuar, të cilin e ka shkruar ai vetë, që jo vetëm s’do ketë shancin të qeverisë përsëri, por do të ketë shancin që të jetë shembulli i politikanit që do të marrë shpagimin e duhur për t’i dhënë fund tranzicionit në Shqipëri.
