Lëvizje surprizë/ Aleatët ‘zbarkojnë’ në zyrën e Bashës, ja marrëveshjet e rëndësishme që pritet të firmosen

Sot është dhe afati i fundi për të regjistruar koalicionet zgjedhore në KQZ.

Në zyrën e Lulzim Bashës ka shkuar kryetari i Partisë Republikane Fatmir Mediu.

Ndërkohë, surpriza e koalicionit të PD është që në listë do të jetë dhe Fryma e Re Demokratike e themeluar nga Bamir Topi.

Kujtojmë që ish-presidenti ka qenë në koalicion me PS në zgjedhjet e shkuara.

Gjithashtu risi është edhe kreu i Ballit Kombëtar Artur Roshi që pranoi mandatin e deputetit pas djegies së mandateve nga PD dhe LSI.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

I pari që ka firmosur dokumentin është Agron Duka i PAA-së në orën 12:00.

Duka do të ketë 12 përfaqësues në 12 qarqet, ku do të ketë një vend në listën e sigurte. Ndërkohë në orën 13:00 Basha do të firmosë me kreun e LZHK-së Dashamir Shehi.

Ky i fundit do të ketë tre kandidatë.

Në selinë e PD gjithashtu do të mbërrijë kreu i Partisë Demokristiane Nard Ndoka. Ky i fundit do të ketë 7 përfaqësues në të gjithë Shqipërinë.