LIGJET E BIZNESIT
Një përplasje e ashpër ka ndodhur mbrëmjen e sotme mes dy ekspertëve të shëndetësisë Liljana Ramasaço dhe Gjergji Koja.
Ky i fundit i ka kujtuar koleges kohën kur ishte drejtoreshë në sistemin shëndetësor, dhe sipas tij fuste në punë infermiere të cilat paguanin për të marrë detyrën.
Ramasaço ka reaguar duke vijuar me akuzat, duke i thënë Kojës se ai vetë është larguar nga sistemi shëndetësor katër herë si hajdut.
PJESE NGA DEBATI
Ramasaço: Shikoji kontratën, 0.03% e popullsisë e vaksinuar. Jemi ndër vendet e fundit në botë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Koja: Ore mësoni të flisni more. Ju flisni kështu për të ardhur në pushtet. Nuk vihet në pushtet me injorancë, dhe duke bërë kështu lloj politike.
Ramasaço: Ti zotëri, mbajti ofendimet për vete, atë injorancën gjeje ku e ke ti, në rregull?!
Koja: Përrallë nga e kaluara flisni këtu, përralla të gjitha.
Ramasaço: Por kush je ti që flet për të gjithë botën këtu, kush je ti more, dhe mbaj gojën mos ofendo!
Koja: Pusho, nuk merr vesh nga këto gjëra, kur nuk merr vesh më mirë pusho. Se ti merr vesh nga të tjera punë, mos harro kur ke qenë drejtoreshë se e di unë, më kanë thënë infermieret, i fusje në punë me lekë, ma kanë thënë infermieret.
Ramasaço: Ore ti, kujdes kur akuzon. Kush flet, një person që është larguar katër herë si hajdut nga sistemi shëndetësor.
Eni Vasili: Ju lutem, jo ofendime personale.
Ramasaço: Qenke gënjeshtar dhe i pamoralshëm ti.
Koja: Pusho.
Vasili: Jo, këtu nuk ka pusho dhe mjaft mes të ftuarve, e vendos unë kush dhe kur flet, jo ju. Të gjithë keni ardhur për të folur këtu. Ti Koja ku fikesh?
Koja: Nuk kam ardhur për t’u fikur.
Vasili: Mos dëgjo vetëm veten, ku fikesh?!
