“Krenar për bluzat e bardha” Rama nxjerr foton e infemieres shtatzanë në krye të detyrës: Nuk janë të gjithë njësoj

Kryeministri Edi Rama ka zgjedhur të postojë sot fotografinë e infermieres së Spitalit Infektiv Xhorxhina Metushi.

Duke shprehur respektin për të, kreu i qeverisë shkruan se që prej ditës së parë të përballjes me C OVID19, ajo ndodhet në vijën e parë të zjarrit, madje dhe në pritje të një fëmije.

Prej ditës së parë të përballjes me Armikun e Padukshëm, infermierja e palodhur e Spitalit C ovid 1, vijon të qëndrojë në vijën e parë të zjarrit, teksa pret të sjellë në jetë fëmijën e saj, duke marrë në sy rrezikun për të shpëtuar njerëz në rrezik për jetën!

Krenar për bluzat e bardha që në ditët më të mundimshme të vendit, dëshmojnë me forcën e shembullit të tyre, se jo vetëm nuk janë të gjithë njësoj po edhe se një dorë abuzuesish e batakçinjsh mes bluzave të bardha, nuk e zhbëjnë dot moralin njerëzor e dinjitetin profesional të shumicës dërrmuese të tyre. Heronj”, shkruan Rama dhe ndan foton e infermieres.