Kosova në alarm/ Infektohen sërish me virus dy mjekë, përfundojnë në spital

Profesionistë shëndetësorë në Kosovë kanë ngritur shqetësimin se personat që tashmë e kanë kaluar sëmundjen e CO VID-19, po riinfektohen.

Ata thanë se tashmë kanë hospitalizuar për herë të dytë edhe mjekë, të cilët aktualisht janë në trajtim.

Infektologu Ilir Tolaj tha se se riinfeksioni me COVID-19, si mundësi ekziston por në praktikë është një dukuri e rrallë. Ai shtoi se studimet po tregojnë që imuniteti kundër COVID-19 është i qëndrueshëm dhe zgjat me vite.

Rukije Mehmeti, pulmologe i tha televizionit publik se vetëm në klinikën pulmologjike në Shërbimin Spitalor Klinik Universitar të Kosovës, aktualisht janë dy mjekë, të cilët janë në trajtim nga riinfektimi.

“Shumica e rasteve po e kalojnë më lehtë riinfektimin. Ne në klinikë i kemi dy doktorë që janë riinfektu për herën e dytë. Janë raste më të rralla, por po paraqiten individë të caktuar. Edhe në klinikën infektive ka raste që janë duke u trajtuar”, tha ajo.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern