“Kohë vendimtare” Sot zgjedhje në Kosovë, vjen reagimi i parë nga qeveria Rama

Sot në Kosovë mbahen zgjedhjet e përgjithshme elektorale.

Në kohën që votimet kanë nisur në orën 07:00, ka ardhur dhe reagimi i parë i qeverisë Rama.

Bëhet fjalë për ministren e jashtme Olta Xhaçka.

Nëpërmjet një mesazhi, ajo uron që qytetarët e Kosovës të krijojnë një proces të qetë votimi dhe thekson se kjo kohë është vendimtare për ta.

“Një ditë e madhe për Kosovën! Urojmë për një garë të qetë e qytetare siç e meritojnë qytetarët kosovarë. Kjo është një kohë vendimtare për shqiptarët në Kosovë, Shqipëri, Maqedoni e Veriut, Mal të Zi e kudo. Një kohë për t’i treguar Europës e botës maturi e mençuri”, shkruan Xhaçka.