“Kaq shumë u deshën në tokë sa dhe në qiell shkuan në të njëjtën ditë”, burrë e grua brenda ditës ndërrojnë jetë nga virusi

Pas çdo vdekjeje nga virusi qëndron një histori. E tillë është edhe kjo që na ka rrëfyer ish-moderatorja e Top Channel, Albana Osmani.

Burrë e grua, janë ndarë nga jeta brenda të njëjtës ditë pasi kanë humbur betejën me COVID19, njëri tek spitali Infektiv dhe tjetri tek Shefqet Ndroqi.

Çifti, emrat e të cilëve nuk janë bërë të ditur nga moderatorja, në të shkuarën janë bërë pjesë e nismës “Ti je një luledielli”, e themeluar nga Osmani, aty ku duket se bukuroshja e ekranit është njohur me dashurinë e tyre.

“Ata ndërruan jetë të dy në të njëjtën ditë. Njëri në QSUT, tjetri tek Shefqet Ndroqi. Ata ishin thjesht, dy ëngjëj. U prehshi në paqe. Kaq shumë u deshën në tokë sa dhe në qiell shkuan në të njëjtën ditë”,-shkruan Osmani bashkëngjitur fotos ku çifti, burrë e grua pozojnë duke qeshur.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern