LIGJET E BIZNESIT
Ministrja për Marrëdheniet me Parlamentin Elisa Spiropali ka folur së fundmi për intervistën e ish-kryeministrit Fatos Nano dhe akuzat e tij për Sali Berishën dhe Ilir Metën.
Sipas saj, Nano nuk ka nevojë të mbrohet në tërësi, pasi e di se kë ka përballë.
Gjithashtu Spiropali shton se ish-kryeministri dëshmoi fytyrën e vërtetë të atyre që duan të kthehen në pushtet.
Ministrja shprehet se përballë nuk ka Bashën, por Sali Berishën dhe Ilir Metën që vijojnë me fyerjet e shantazhet dhe kanë marrë peng opozitën. “Fatos Nano nuk ka nevojë të mbrohet nga unë, apo në tërësi, si lider, politikan, intelektual. Por s’mund të mos them, jo vetëm ato që tha si dëshmi historike dhe fjalë të zgjedhura. Dëshmuan fytyrën e vërtetë të atyre që duan të kthehen në pushtet. E tregoi reagimi i tyre i paprecedentë.
Nga frëngjitë e tyre familjare, politike, mediatike e mercenare shpërtheu një reagim i neveritshëm. Për një njeri. Kjo më shumë se çka lidhje me Fatos Nanon, që e bën gjumin e qetë sepse i njeh ata që ka përballë. Na dëshmon ne se të gjitha këto që diskutojmë këtu, që mundohemi të bëjmë ky teatri që bëjmë këtu, ndërkohë që Basha skuq vezë me xhinse, përballë kemi Sali Berishën e Ilir Metën. S’po lënë asgjë po bëjnë, fyerjet e shantazhet i kanë stil në partitë që drejtojnë. Deri tek financimi i portaleve, gjirizave pa asnjë normë. Viktimat duan t’i bëjnë fajtor.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Sali Berisha kishte Blerim Çelën, kryeprokurori Alushin, i dënonte po të donte kundërshtarët politikë, kurse sot ka atë mrokllën dixhitale”, deklaroi Spiropali.
