Jo vetëm C*vid-19/ Rikthehet Ebola në Afrikë, 3 të vdekur dhe 5 pozitivë

Autoritetet shëndetësore në Afrikën Perëndimore bëjnë me dije se tre persona kanë humbur jetën nga Ebola, ndërsa 5 të tjerë kanë rezultuar pozitivë në Guine.

Këto janë rastet e para që nga viti 2016 në Afrikën Perëndimore. Pacientët kishin diarre, të vjella, gjakderdhje, shenja këto që erdhën pas pjesëmarrjes në një ceremoni mortore.

Personat e infektuar janë vendosur në izolim. Nuk është e qartë ende nëse personi që u varros në datën 1 shkurt, një infermier në një qendër shëndetësore lokale, kishte ndërruar jetë gjithashtu nga Ebola.

Shpërthimi i madh dhe më i fundit i Ebolës në Afrikën Perëndimore filloi në Guinea. Ai u mori jetën të paktën 11 300 personave. Rastet u regjistruan kryesisht në Guinea, Liberi dhe Sierra Leone.

Ndërkohë, bëhet me dije se Guinea ka kontaktuar me OBSH-në për të marrë vaksinat ndaj Ebolës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern