“Jam mjekuar në shtëpi” U tha se u kurua në Itali, Pipero del në ekran dhe mohon zërat

Mjeku infeksionist Pëllumb Pipero ka rrëfyer së fundmi se pas prekjes nga C OVID19, është mjekuar në kushte shtëpie.

I ftuar në “Open” ai tha se ka lexuar në media që është mjekur në Itali dhe Turqi.

Madje me ironi Pipero shtoi se kishte lexuar që ishte intubuar por që sipas tij, asgjë nuk është e vërtetë.

“Kam dëgjuar që kisha ikur në Turqi urgjent, në Itali urgjent…madje në Itali kam shkuar i intubuar. E vërteta është se jam mjekuar në shtëpi. Nuk kam lëvizur nga Shqipëria. Për fat të keq nuk kisha as bashkëshorten në shtëpi, e kisha në Itali. Kështu që e kam kaluar me dy infermiere dhe me ndihmën e djalit,”- tha Pipero.

I pyetur nga gazetarj Eni Vasili, se përse nuk u kishte përgjigjur telefonatave, Pipero tha se e ka pasur të vështirë të ruajë komunikimin me njerëzit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Pjesë nga biseda:

Eni Vasili: Mediat kanë shkruar, por nuk mendoni se shkak në fakt u bëtë ju vetë, u zhdukët nga media, ekranet….madje nuk u jeni përgjigjur as telefonatave, përfshirë edhe mua që ju kam marrë, thjesht për t’ju pyetur nëse jeni mirë.

Pëllumb Pipero: E kam pasur të vështirë të ruaja komunikimin me njerëzit!