Hynë në lokal dhe dhunuan barbarisht të riun, arrestohet 31-vjeçari. Në kërkim një tjetër (EMRAT)

Policia e Fushë-Krujës ka arrestuar 31-vjeçarin Geart Bakalli, pasi disa ditë më parë hyri në një lokal i armatosur dhe i maskuar.

Së bashku me disa persona të tjerë kanë dhunuar 30 vjeçarin Elvis Elezi.

Sipas njoftimit, nga Policia është bërë shpallja në kërkim e shtetasit Gazment Kusta 34 vjeç, banues në Budull, Krujë, i dënuar më parë jashtë vendit, për veprën penale “Trafikimi i lëndëve narkotike”.

Ky shtetas dyshohet se më datë 17.02.2021, ka hyrë me disa persona të tjera në ambientin e një lokali në Fushë Krujë dhe ka goditur me sende të forta, duke i shkaktuar lëndime në kokë, shtetasit Elvis Elezi 30, vjeç, i cili pasi ka marrë ndihmën mjekësore është larguar në banesë.

Gjithashtu është bërë ndalimi i shtetasit Geart Bakalli, 31 vjeç, për veprën penale “Veprime që pengojnë zbulimin e së vërtetës”, pasi gjatë kontrollit të ushtruar në banesën e tij nga shërbimet e Policisë u gjetën dhe u sekuestruan në cilësinë e provës materiale, disa veshje të përdorura nga autorët dhe 1 mjet tip “Audi”, të cilin dyshohet se autorët e kanë përdor për t’u larguar.

Nën drejtimin e Prokurorisë së Rrethit Gjyqësor Krujë vijon puna për identifikimin dhe kapjen e personave të tjerë të implikuar në këtë ngjarje. Materialet i kaluan Prokurorisë së Rrethit Gjyqësor Krujë, për veprime të mëtejshme.