Foto+emri/ Ekzekutohet 47-vjeçarja shqiptare në Itali

Një 47-vjeçare shqiptare është goditur për vdekje në Milano, në komunën San Giuliano Milanese në provincën e Milanos.

Ngjarja u regjistrua në një rrugë provinciale që lidh këtë komunë me komunën Melegnano,  rreth mesditës në sotme, në orën 13:00.

Shqiptarja, e identifikuar me emrin Luljeta Heshta, punonte si prostitutë, kishte leje të rregullt qëndrimi në Itali dhe ishte me precedentë penalë.

Sipas asaj që thonë dëshmitarët, ajo është goditur nga një person (mashkull) i veshur me rroba të zeza i cili u largua menjëherë pas krimit.

Mësohet se viktima është goditur 5 herë me thikë duke marrë dy plagë në kurriz e tre në këmbë.

Gruaja është shoqëruar menjëherë në urgjencën e spitalit Humanitas di Rozzano, ku ka ndërruar jetë.

Autoritetet po hetojnë mbi ngjarjen e kanë shpallur në kërkim autorin e krimit.