Foshnja humb jetën pas ritualit ortodoks të pagëzimit/ Ja pse u mblodhën 56 mijë firma

Një foshnjë vetëm 6 javëshe ndërroi jetë pas një ceremonie që kërkon zhytjen e tyre tre herë në ujin e shenjtë në Rumani.

Kisha Ortodokse atje po përballet me një presion gjithnjë e në rritje për të ndryshuar ritualet e pagëzimit.

Referuar “The Guardian”, foshnja pësoi një arrest kardiak ndërsa u dërgua me urgjencë në spital por vdiq disa orë më vonë.

Në lidhje me këtë rast, prokurorët kanë hapur një hetim vrasjeje pa paramendim kundër priftit.

Menjëherë pas kësaj ngjarje, në intenet u përhap me shpetësi një peticion. Peticioni që bën thirrje për ndryshime në ritual kishte grumbulluar më shumë se 56 mijë nënshkrime brenda një periudhe shumë të shkurtër.

“Vdekja e një foshnje të porsalindur për shkak të kësaj praktike është tragjedi e madhe”, thuhet në një nga mesazhet e peticionit.

Mediat vendase raportuan për incidente të ngjashme këto vitet e fundit. Vasile Banescu, zëdhënësi i kishës tha se priftërinjtë mund të hedhin pak ujë në ballin e foshnjës në vend të zhytjes së plotë.

Mirëpo, Kryepeshkopi Teodosie, udhëheqësi i krahut tradicionalist i Kishës, u shpreh se rituali nuk do të ndryshonte.