“Është lidhur kontrata”/ Rama jep lajmin e shumëpritur: Hekurudha Tiranë-Durrës gati për të filluar nga puna

Kryeministri Edi Rama është ndalur këtë të martë në Durrës, nga ku zhvilloi një bashkëbisedim me qytetarët.

Në takimin me to, kreu i qeverisë u ndal tek investimet e qeverisë në këtë zonë, duke nisur nga porti i Durrësit e deri tek rijetëzimi i rrjetit hekurudhor.

Sipas Ramës, hekurudha Tiranë-Durrës është gati për të filluar nga puna, pasi kanë përfunduar të gjitha lidhjet kontraktuale.

Kryeministri u shpreh se investimi në hekurudhë do të jetë në interes edhe të portit të ri i cili do të ndërtohet.
“Hekurudha Tiranë – Durrës është gati për të filluar nga puna, sepse është lidhur kontrata. Presim të na miratohet fondi për hekurudhën Durrës – Hani i Hotit që përsëri lidhet me porti. Plus hekurudha Durrës-Prishtinë dhe më tutje. Këtij porti mund t’i ndërtosh hekurudha afër, po nuk është në gjendje të jetë konkurrente me portet përballë”, u shpreh Rama.