E trishtë/ Virusi i merr jetën zyrtarit të LSI, ish-deputetja bën dedikimin prekës: Prehu i qetë mik

Një lajm i trishtë vjen së fundmi nga rradhët e Lëvizjes Socialiste për Integrim.

Mësohet se ka ndërruar jetë në moshë të re Amarildo Mekollari, një nga themeluesit kryesorë të LRI.

Lajmin e hidhur e ka dhënë ish-deputetja e kësaj force politike Erisa Xhixho.

Me anë të një dedikimi prekës, ajo e kujton mikun dhe bashkëpunëtorin e saj me fjalët më të ndjera.

REAGIMI I PLOTE

Më trishtove shumë mik i mirë, bashkëpunëtor i çmuar në krijimin e LRI-së. Sa e pabesë kjo flamë Covid-19 që të mori e të largoi nga ne fizikisht, pasi ti do jesh me ne dhe në kujtimet tona përgjithmonë.

Prehu i qetë mik i mirë e mos ki merak, sepse Beta dhe engjëlli juaj nuk do jenë vetëm, por do të kenë gjithmonë pranë miqtë e tu.

Për mua do të mbetesh Amarildoja Mekollari i Skraparit, që më priste me buzëqeshje e plot pozitivitet.

Do na mungosh shumë.

Ngushellime Betës dhe familjes