E trishtë/ Prej javësh e infektuar me virusin, humb jetën nëna e këshilltarit të Metës

Një lajm i hidhur vjen nga Këshilltari për mediat i presidentit Ilir Meta, Emiljano Aleksi.

Mësohet se ai ka humbur nënën e tij, pasi prej disa javësh ajo ishte e infektuar me C OVID19.

Lajmin e ka dhënë vetë Aleksi, me anë të një njoftimi në rrjetet sociale.

Ai shkruan se e ëma do të përcillet për në banesën e fundit, në një ceremoni private familjare, për shkak të rregullave kundër C ovid 19.

“Miq të dashur. Me dhimbje të thellë ju njoftoj se mamaja jonë e shtrenjtë ndërroi jetë. Varrimi bëhet ditën e Martë ora 10:00 në Vokopolë (Kuçovë) Duke ju falenderuar për mesazhet e shumta për të ndarë dhimbjen me ne, Ju kërkojmë të na mirëkuptoni se për shkak të masave të shtuara të sigurisë shkaku i pandemisë C  OVID-19 ceremonia e varrimit do jetë familjare për Mamanë tonë!”, shkruan Aleksi në postimin e tij.