E rëndë/ Virusi i merr jetën emigrantit shqiptar në Angli, pak ditë më parë i vdiq dhe i ati

Një emigrant shqiptar në Londër ka humbur jetën pas riinfektimit nga virusi.

Viktima është 48 vjeçari Kujtim Kadiu nga Burreli, i cili vetëm 8 ditë më parë kishte humbur të atin për shkak të virusit.

Kadiu mësohet se u varros në Londër të mërkurën ku edhe banonte.

Ai kishte rënë në kontakt për herë të parë me virusin 3 muaj më parë, ku edhe ja kishte dalë me sukses.

Por së fundi ai u riinfektua me mutacionin e ri britanik të Co vid dhe e humbi jetën vetëm tre ditë pas riinfektimit.

I ati i vdiq 8 ditë më parë nga virusi në qytetin e Burrelit dhe nuk mundi të vinte në varrim për shkak të karantinës së rreptë angleze.

Raportohet se djali i Kujtim Kadiut punon si gazetar në Londër.