E rëndë në Tiranë/ Ndërrojnë jetë nga virusi 3 pacientë në moshë të re, ishin të shtruar në spital

Vijon të jetë e rënduar situata nga pandemia në vendin tonë.

Mësohet se 3 qytetarë në moshë të re kanë humbur jetën brenda 24 orësh si pasojë e C OVID19 në spitalet e Tiranës.

Burimet bëjnë me dije se viktimat janë 35-45 vjeç, të tre të gjinisë mashkullore.

Sipas informacioneve dhe një tjetër pacient po nga Elbasani është në gjendje kritike për jetën, në spitalet C OVID, duke shkaktuar një gjendje alarmi te të gjithë qytetarët.

Një ditë më parë, edhe oksigjenisti i spitalit të Elbasanit, vetëm 38 vjeç është shtruar në spital, për shkak të nivelit shumë të ulët të oksigjenimit.

Mësohet se ai është trajtuar për disa ditë me radhë në banesë, dhe më pas është dërguar në gjendje të rënduar drejt Tiranës, ndërkohë që situata është duke precipituar në të gjitha qytetet e vendit.

Kujtojmë se edhe dy ditë më parë dy pacientë me banim në Elbasan ndërruan jetë në Tiranë.

I pari ishte një 18 vjeçar pa asnjë sëmundje por që mushkëritë i ishin prekur në masën 100% nga virusi, dhe rasti i dytë ishte një grua 32 vjeçe e cila ndërroi jetë sapo lindi fëmijën.