E rëndë/ Dje kishte nisur punë, shtypet nga eskavatori një person brenda aeroportit të Kukësit

Një ngjarje e rëndë ka ndodhur sot në Kukës.

Mësohet se në vendin ku po ndërtohet aeroporti i qytetit, një person ka gjetur vdekjen.

Sipas informacioneve, personi në fjalë punonte në aeroport dhe është shtypur nga një mjet i rëndë.

Ngjarja dyshohet të ketë ndodhur nga pakujdesia.

Burimet saktësojnë se viktima, 35-vjeç, kishte nisur punë në aeroport gjatë ditës së djeshme, dhe është përballur me këtë fat tragjik.

Policia nuk ka dhënë asnjë informacion në lidhje me këtë ngjarje të rëndë që ka ndodhur, ndërkohë që burimet bëjnë me dije se viktima është me mbiemër Gashi.