E rëndë/ Del nga rruga makina, të plagosurit nxirren nga zjarrfikësit

Tre persona kanë mbetur të plagosur pasi makina me të cilën udhëtonin ka dalë jashtë rruge.

Të plagosur kanë mbetur dy pasagjerët dhe shoferi i mjetit.

Aksidenti i cili ka ndodhur pak minuta më parë, dyshohet se është shkaktuar si pasojë e shpejtësisë së lartë dhe lagështisë në rrugë.

Bëhet me dije se një nga të plagosurit është në gjendje më të rënduar shëndetësore, ndërsa dy të tjerët kanë plagë të lehta. Tre të plagosurit janë nxjerrë nga makina pas ndërhyrjes së zjarrfikëses.

Policia ndodhet në vendin e ngjarjes dhe po punon për zbardhjen e plotë të saj.