E pazakontë/ Ky është shteti që ofron birra falas për ata që vaksinohen

Pas një viti të lodhshëm pandemie, duket se Izraeli po i rikthehet jetës normale dalëngadalë.

Ndërkohë dhe procesi i vaksinimit vijon vrullshëm.

Autoritetet e Tel Avivit kanë menduar një fushatë speciale për të shtyrë më tej vaksinimin tek të rinjtë që pak nga pak po i rikthehen jetës së natës.

Bëhet fjalë për ambiente që quhen “Vaccine bar” dhe nënkupton qendra vaksinimi të ngritura në zonën më të frekuentuara nga të rinjtë.

Sipas “rregullit” kushdo që vaksinohet kundër koronavirusit e ka birrën falas.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Momentalisht kësaj iniciative i janë bashkuar 7 lokalet më në zë të Izraelit. Të gjithë mund të vaksinohen pa pasur një prenotim deri në mesnatë dhe pastaj birra “lumë”.

Deri në këto momente në Izrael raportohet të jenë vaksinuar 4.1 milionë banorë me dozën e parë ose ndryshe 45% e popullsisë, ndërsa dozën e dytë e kanë marrë 2.7 milionë banorë.