LIGJET E BIZNESIT
Një ditë pasi u firmos marrëveshja me koalicionin opozitar “Aleanca për Ndryshim” me kryetarin e PD Lulzim Basha, mësohet se kreu i FRD Bamir Topi ka dhënë dorëheqjen.
Ky vendim është i pakthyeshëm dhe i parevokueshëm.
Shkak për këtë lëvizje të ish-presidentit Topi është bërë përplasja me sekretarin e Përgjithshëm të FRD Sali Shehu.
Kujtojmë se, FRD-ja është në listën e partive që do të garojnë bashkë me PD në zgjedhjet e 25 prillit, listë e cila është dorëzuar dje në KQZ nga përfaqësuesi i PD Ivi Kaso.
Mbrëmjen e djeshme rreth orës 21:00, ka qenë sekretari i Përgjithshëm i FRD-së Sali Shehu që mbërriti në selinë e PD-së, por doli që aty pa asnjë marrëveshje. Por më vonë bashkëpunimi u konfirmua.
Bashkëpunimi mes PD dhe FRD-së së Bamir Topit është “shtyrë” nga ish-deputeti i PD Sali Shehu, tashmë sekretar i Përgjithshëm i partisë së Topit.
Por, mesa duket ky vendim nuk ka pasur dakordësinë e kreut të partisë Bamir Topi. Ky i fundit ka qenë kundër vendimeve dhe veprimeve të kohëve të fundit që ka bërë opozita dhe Partia Demokratike.
