LIGJET E BIZNESIT
Moderatorja e “Portokalli” Eneda Tarifa ka njoftuar papritur largimin nga drejtimi i spektaklit të humorit.
Ajo ka treguar në rrjetet sociale se do të “sjellë në jetë” projektet e saj, por nuk ka dhënë detaje në lidhje me atë që bëhet fjalë.
Pas mbylljes së sezonit të fundit në “Portokalli”, Eneda është shprehur se tashmë do të vazhdojë të jap kontributin e saj artistik për këtë vend pa u “shitur” dhe pa u “blerë” nga askush.
“Të dashurit e mi, miq real e virtual, më duhet t’ju njoftoj se rrugëtimi im me spektaklin “Portokalli” përfundon këtu. U riktheva me mall në atë skenë kur m’u propozua nga drejtuesit dhe në një farë mënyre “E nxora mallin…” kur i thonë një fjale.
Por është momenti që të sjell në jetë projektet e mia pa më “shitur” dhe pa më “blerë” dikush (sikurse shkruhet në disa portale) dhe vazhdoj të jap kontributin tim artistik për këtë vend. Do komunikoj me ju vetëm në profilet e mia zyrtare në rrjete sociale dhe në kanalin tim në YouTube. Shihemi së shpejti… Faleminderit që jeni gjithmonë me mua dhe më keni mbështetur. Ju dua të gjithëve”, ka thënë Eneda.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
