LIGJET E BIZNESIT
Emisioni Fiks Fare në Top Channel transmetoi këtë të enjte një tjetër skandal me të mitur të cilët dhunohen në institucionin e dijes. Një mësues dhunon fizikisht dhe psikologjikisht fëmijën 6 vjeçar që vuan nga epilepsia.
Mësuesi, që quhet Besnik Kaca pranon se i ka bërtitur, por mohon në mënyrë kategorike të ketë ushtruar dhunë mbi të miturin dhe se e gjitha kjo është një sulm politik që po bëhet kundrejt tij. Një qytetar nga Krraba e Vogël, Besnik Balla, ankohet në emision se fëmija i tij është i traumatizuar nga frika dhe nuk do të shkojë më në shkollë. Sipas prindit sikur të mos mjaftonte mundimi nga sëmundja kronike e epilepsisë, fëmija dhunohet në klasë edhe nga mësuesi i tij.
Prindi tregon se mësuesi e ka goditur fëmijën e mitur, e ka çjerrë në qafë, e të gjitha këto i ka të dokumentuara me foto. Po ashtu, mësuesi ka ushtruar jo vetëm dhunë fizike, por edhe psikologjike duke e detyruar vogëlushin të hajë ullinj pasi i kthjellon mendjen për mësimet.
Edhe pse prindi është ankuar në drejtori, në zyrën arsimore por edhe në ministri gjithashtu, nuk mori asnjë përgjigje e për këtë mori shkas të i drejtohej emisionit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
