“Dhimbje therëse e kockave”, moderatorja preket për herë të dytë nga C*vid-19

Moderatorja e njohur Fjoralba Ponari ka treguar se është riinfektuar me koronavirus. Lajmin e ka bërë me dije vetë moderatoja me anë të një postimi në rrjetet sociale.

“Sa janë shancet nga 0-Fjoralbë të riinfektohesh me Covid-19” shkruan ajo ndërsa ka postuar një foto ku tregon edhe testin që ka rezultuar pozitive.

Ndjekësit të shqetësuar kanë pyetur se si ndihej.

“Si po e kalon Covid-in? A është më e lehtë me antitrupat?” shkruante një ndjekës.

“Jo kur ke Covid 2.0. Keq shumë kësaj radhe. Temperatura, mungesa e shijes apo kolla paskan qenë lule krahasuar me dhimbjen e kockave që po heq kësaj radhe,” u përgjigj ajo.

Në një tjetër Instastory ajo tregoi edhe simptomat gjithashtu:

“Tension i ulët (që s’më ka ndodhur kurrë) dhe humbje e balancës ( e justifikova me pagjumësinë dhe lodhjen në punë), më bënë të kisha dyshime, por prapë më dukej e vështirë duke pasur parasysh që e kisha kaluar dhe sa e kujdesshme kam qenë. Pikat mbi ‘i’ i vuri temperatura në darkë dhe dhimbja therëse e kockave.”