Çfarë po ndodh në Elbasan? Shpërthim i fuqishëm në zonën e ish-Kombinatit Metalurgjik

Një shpërthim i fuqishëm është dëgjuar sot rreth orës 20:00 në ambientet e ish-kombinatit Metalurgjik në Elbasan.

Sipas burimeve bëhet me dije se shpërthimet janë lokalizuar në zonën ku ndodhen furrat e shkrirjes.

Nuk raportohet për të lënduar por vetëm për dëme materiale dhe thyerje të xhamave të disa kompanive industriale.

Incidente të tilla në zonën industriale të ish-Metalurgjikut janë të shpeshta dhe mjaft herë edhe me pasoja. Në vendngjarje ka shkuar policia por ende nuk ka një njoftim zyrtar për incidentet e ndodhura.