Biden i kërkoi të njihte pavarësinë e Kosovës, Vuçiç i përgjigjet ‘ashpër’ letrës së presidentit amerikan

Presidenti i Serbisë, Aleksandër Vuçiç i është përgjigjur letrës të dërguar nga homologu amerikan Joe Biden, ku thuhej se ky i fundit i kërkon atij që të njohë Kosovën si shtet i pavarur.

Në një intervistë që ka dhënë pak më parë në ai ka thënë se njohja reciproke mes Serbisë dhe Kosovës nuk është e shkruar në asnjë akt ndërkombëtar.

“Sa i përket njohjes reciproke, kjo nuk thuhet në asnjë akt. Ne e kuptojmë se kjo është një politikë e re amerikane. Kishte përpjekje për ta imponuar atë frazë si diçka që ne duhet ta pranojmë si zgjidhjen përfundimtare. Për ne është një letër e kuqe, ne filluam dhe bëmë shumë në Sretenje, kështu që ajo ditë është shumë më e rëndësishme për ne sesa dëshirat amerikane dhe shqiptare.”– ka thënë Vuçiç

Një letër e presidentit të Shteteve të Bashkuara të Amerikës, Joe Biden për homologun e tij serb, Aleksandër Vuçiç, ku i kërkohet njohja e Kosovës, raportohet se është dërguar nga Uashingtoni. Mediat serbe shkruajnë se Biden ka kërkuar nga Vuçiç, arritjen e një marrëveshjeje gjithëpërfshirëse mes dy vendeve, ku pika kryesore është njohja reciproke. Në letër thuhet se Biden teksa i uron Vuçiç, Ditën e Shtetësisë së Serbisë, ka konfirmuar mbështetjen amerikane për integrimin e Serbisë.