“Askush nuk është gati” Humbi bashkëshortin nga sëmundja e rëndë, reagon ministrja Margariti

E shtuna ishte një ditë mjaft e hidhur për ministren e Kulturës Elva Margariti.

Ajo ka humbur bashkëshortin e saj Artan Asllani, i cili u nda nga jeta në moshën 49-vjeçare si pasojë e një sëmundjeje të rëndë.

Me  anë të një reagimi në rrjetet sociale, ministrja ka falenderuar të gjithë personat që e kanë ngushëlluar dhe i kanë qendruar afër në këto momente të vështira.

“Asnjëherë, askush nuk është gati për të shkruar të tilla radhë, e teksa përpiqesh të shtysh në pafundësi lajmin e hidhur, nuk mund ta bësh këtë me mirënjohjen. Në të vërtetë do të doja të falenderoja gjithkënd, që na u gjend pranë në këtë moment të vështirë të jetëve tona. Ajo çka mendoj sot është se çdo fjalë ngushëllimi e mirësie, na jep forcë e kurajë për një rrugëtim të ri, që ka nisur! Uroj t’jua kthej veçse për ditë gëzimi!”, shkruan Margariti mes të tjerash.