Alarmojnë dentistët: Mbajtja e maskës e dëmshme për dhëmbët!

Mbajta e vazhdueshme e maskave rrezikon prishjen e dhëmbëve, thonë stomatologët. Kjo tezë është e dokumentuar edhe sipas studimeve të fundit në SHBA, të cilat kanë gjetur lidhshmëri shkencore se në sëmundjet e gojës kontribuon edhe mbajtja e maskës për më shumë orë pa ndërprerje.

Stomatologët thonë se kjo ndodhë posaçërisht edhe nga mungesa e higjienës orale. Stomatologu Fisnik Kasapi thotë për Alsat se në muajt e fundit është shtuar fluksi i pacientëve, të cilët kërkojnë shërbime të domosdoshme dentare.

“Me mbajtjen e maskës e para që ndodhë në gojën e njeriut është tharja e gojës. Me këtë vjen ulja e nivelit të pështymës që është barriera e parë e cila e stopon inflamacionin e mishrave të gojës edhe të fillimit të kariesit.

Tharja e gojës është një prej arsyeve që shkakton dëmtimin e higjienës orale dhe pas saj vijnë gradualisht prishja e dhëmbëve , ndezja e gengivës, rritja e nivelit të baktereve në gojë” -tha Fisnik Kasapi, Specialist Stomatolog.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern