Aksioni i SPAK/ Gazetari bën deklaratën e fortë për prokurorin që la në burg mjekun Edvin Prifti

Gazetari i njohur Elton Qyno ka deklaruar sot në mbrëmje se rasti i arrestimit të mjekut Edvin Prifti është dhe një luftë bërrylash në shërbimin kardiologjik.

I ftuar nga gazetari Alfred Lela, Qyno shtoi se një tjetër mjek bie kushëri me një prokuror, dhe se ky i fundit që la në burg doktor Priftin, ka liruar 6-7 persona për zhdukjen e Jan Prengës.

“Rasti i Prifti është edhe një luftë bërrylash në shërbimin kardiologjik. Unë kam informacione të sakta që pikërisht në këtë shërbim, është një doktor me emrin Dumani dhe një prokuror me të njëjtin mbiemër, që të dy janë nga zona e Dibrës.

Nuk dua të aludoj, por që më rezulton se si mjeku ashtu edhe prokurori bien kushërinj. Nuk po them që është përdorur prokurori. I njëjti prokuror që futi në burg Priftin, ka liruar 6-7 persona për zhdukjen e Jan Prengës. Ai që akuzohet për rrëmbim personi, është në detyrim paraqitje, ndërsa doktori për korrupsion në burg.”, u shpreh gazetari i kronikës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern