LIGJET E BIZNESIT
Gjatë një aksioni të policisë në Britaninë e Madhe dhjetë persona kanë rënë në pranga.
Mësohet se në Londrën e Veriut janë kapur afërsisht 2.3 kokainë e importuar në një ngarkesë bananesh.
Pakot me kokainë ishin fshehur në kutitë me fruta dhe besohet të jetë ngarkesa më e madhe ndonjëherë në Mbretërinë e Bashkuar.
Të arrestuarit, të gjithë burra të moshës 21-56 vjeç, u arrestuan nga oficerët dje në dy adresa në Londrën Veriore pasi morën dorëzimin e 41 paletave, në të cilat ishte ngarkuar kokaina. Mes 10 personave të arrestuar janë edhe shqiptarët B.K., 28 vjeç dhe Gj. D., 30 vjeç.
Droga – potencialisht me vlerë 184 milion £ nëse do të shitej në rrugë, u kap nga policia kufitare më 14 shkurt në portin e Portsmouth.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kontenieri kishte mbërritur në një anije mallrash nga Kolumbia një ditë më parë dhe po maskohej si një ngarkesë e ligjshme e bananeve.
Paletat u dorëzuan në një pasuri industriale në Tottenham, ku policia po e vëzhgonte dhe arrestoi pesë personat që e pritën. Pesë burrat e tjerë u arrestuan në një pasuri të ndryshme industriale në Enfield.
Të dhjetë mbeten në paraburgim dhe tre prej tyre janë akuzuar për importimin e drogës.
