Aksident i rëndë/ Del nga rruga ambulanca që ishte nisur drejt Tiranës, humb jetën një grua (EMRI)

Një aksident i rëndë ka ndodhur orët e para të mëngjesit të sotëm në autostradën Durrës- Tiranë.

Si pasojë e ambulancës që ka dalë nga rruga, mësohet se ka humbur jetën një grua 71-vjeçare, e cila po transportohej drejt spitalit.

Bëhet me dije se ambulanca ishte nisur nga Saranda drejt Tiranës, po aksidenti ka çuar në tragjedi, ndërsa vijojnë hetimet lidhur me aksidentin e rëndë. Viktima është identifikuar si Arziko Shehu me banim në qytetin e Sarandës.

NJOFTIMI ZYRTAR I POLICISE

Në datë 14.02.2021, në orën 03:45, në autostradën Durrës-Tiranë, shtetasi I. D., 51 vjeç, banues në Sarandë, duke drejtuar mjetin ambulancë, ka humbur kontrrollin duke dalë nga rruga, e për pasojë ka humbur jetën shtetësja A. Sh., 71 vjeçe e cila ishte paciente në ambulancë.

Drejtuesi i ambulancës është shoqëruar në ambjentet e Policisë për veprime të mëtejshme. Grupi hetimor po punon për zbardhjen e rrethanave të ngjarjes.