“Ai ka qenë këtu ku jam unë” Rama flet hapur për Fatos Nanon: Më jep mendimet e duhura kur ja kërkoj

Kryeministri Edi Rama është pyetur nga gazetarët në konferencë në lidhje me marrëdhenien e tij me paraardhësin Fatos Nano dhe nëse ky i fundit synon Presidencën.

Kreu i qeverisë ka deklaruar se me Nanon ka një raport shumë të mirë dhe nëse ka nevojë merr dhe mendime nga ai.

Rama ndër të tjera tha se kjo ndodh sepse nuk ka një interferencë nga “loja e shahut politik” mes tyre.

“E di cmimin tim, se normalisht i bie që të jem dhe unë pjesë e këtij eksperimenti. Jo të gjithë kanë cmim. Politikanët nuk jane gjithë njësoj. Sic nuk jeni ju të gjithë njësoj. Dhe ajo që unë me Nanon kam një mardhënie që është një marredhënie shumë e bukur se nuk ka në mes asnjë interferencë nga loja e shahut politik, mes aktorëve. Ai me vullnetin e tij është cuar dhe ka zgjedhur të tërhiqet me një dorëheqjes pa asnjë fushatë elektorale.

Nano një pikë referimi, ai ka qenë këtë ku jam unë. Duke qenë i zhveshur nga dinamikat e imponuara. Ka të gjithë eksperiencën për të më dhënë opinonet e duhura kur ia kërkoj. Jam unë që kërkoj opinion dhe nuk është ai që ofrohet dhe e vërteta është që diferenca është se ai nuk e ka pasur një paraardhës me eksperiencën e duhur dhe me talent për të nxjerrë për të ndihmuar pasardhësin, unë e kam,” tha Rama.