LIGJET E BIZNESIT
Presidenti Ilir Meta është shprehur i prerë ditën e sotme kur deklaroi se zgjedhjet e 25 prillit nuk kanë asnjë shans që të shtyhen dhe nga situata e pandemisë.
Sipas tij ajo që duan shqiptarët është që vendi të shkojë drejt zgjedhjeve.
Kreu i Shtetit deklaron se 25 prilli do të jetë një referendum për të ardhmen e vendit, ndërsa ka paralajmëruar të gjithë ata që mund ti dalin përpara dh eta pengojnë, se nuk do të kenë asnjë mundësi.
Sa i takon mundësisë që Edi Rama të fitojë një mandat të tretë, dhe a mund të vazhdojë Meta që të qendrojë në krye të shtetit, Meta la të kuptohej se në 25 Prill beson te ndryshimi i pushtetit. Ndërkohë që foli dhe për kriminelët në lista, që sipas Metës është e qartë se kush i ka futur dhe i ka marrë në mbrojtje.
A ka mundësi të shtyhen zgjedhjet për shkak të pandemisë?
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Meta: Nuk ka asnjë shans dhe asnjë skenar për të rishikuar datën e zgjedhjeve, 25 Prilli është vendosur pas konsultimeve me konsensus mes palëve. Shqiptarëve prej kohësh iu duket data e zgjedhjeve shumë larg.
Thirrjet e ambasadores amerikane për listat e pastra
Meta: Ne kemi miratuar një ligj për dekriminalizimin, se kush i ka promovuar dhe se kush i merr në mbrojtje kjo dihet. Krerët e partive të promovojnë sa më shumë figura të reja dhe me integritet. Populli do ti ndëshkojë me votë ata që duan të marrin në mbrojtje kriminelët. 25 Prilli do të jetë një referendum edhe për ringritjen morale të vendit.
A do të bashkëpunojë Ilir Meta me mazhorancën e Edi Ramës nëse fiton një mandat të tretë?
Meta: Besoj se kam qenë dhe jam tepër i qartë se 25 Prilli do të jetë një referendum, dhe unë jam shumë besimoplotë për këtë. Shqipëria nuk ka për të humbur më asnjë sekondë. Treni i integrimit është nisur dhe mjer ai që i del përpara, është koha që të mos humbasim asnjë sekondë, dhe kjo fillon nga mbajtja e zgjedhjeve të lira dhe të ndershme.
